Ақпараттық-библиографиялық бөлім

21.02.2016

Ақпараттық-библиографиялық қамтамасыз ету бөлімі – бұл 1523 аса анықтамалық және библиографиялық басылымдардан құралған құнды құжаттар қоры бар кітапхананың анықтамалық және кеңес  беретін орталығы.

Оның ішінде:

Кітаптар

Энциклопедиялар

Сөздіктер

Анықтамалар

Атластар

Статистикалық жинақтар

Әдебиеттердің библиографиялық көрсеткіштері

Белгілі, есте сақтайтын күндер тізбесі

“ҚР Заңнамасы ” электронды ДБ

“Параграф” ақпараттық жүйесі

РФ барлық заңнамалары электрондық түрде

Мақалалардың электронды картотекасы қазақ және орыс тілдерінде

Бөлім ұсынады:

Дипломдық, диссертациялық және курстық жұмыстарға тақырыптық және библиографиялық тізімдер

Ғылыми жұмыстардың библиографиялық бөлімдерін редакциялау

Құжаттарды электрондық жеткізу

Қазақстан және Ресей мерзімді басылымдары бойынша жедел ақпарат

Ұмытылмас оқиғалар, деректер туралы анықтамалар

Терминдер, таныс емес сөздер немесе кейбір сөздердің мағынасы туралы анықтамалар

Виртуалды анықтама

Нақты тақырып бойынша мамандарды библиографиялық ақпараттандыру

ДБ және Электрондық каталог бойынша әдебиеттерді іздеу CD-ROM-ға көшіру

Басып шығару

Біздің  басылымдар

Қазақстанның еске алып, атап өтілетін күндер тізбесі

Шет елдердің әдеби тарихи күндері

Әдебиеттер тізімі және библиографиялық көрсеткіштер

Библиографиялық жаднамалар

Дайджестер

Буклеттер

Бетбелгі

Каталог залы

Кеңтүрдегі каталог және картотека жүйесі ,құрам мен қор мазмұнын ашады және кітапхананың түрлі, көпқапталды сұраныстарын жауап беруге көмектеседі.Қолдануға 8 компьютер орнатылған.

Оқырмандар қолданысына:

Алфавитті каталог (карточка түрінде)

Электронды каталог (шамамен 190 библиографиялық жазба) 35778 библиографиялық жазба

Кітапхана алған, мерзімді басылым картотекасы

Жаңаарқа кітапханасының мерзімді басылым картотекасы.

Бөлім басшысы: Оралбава Ақбөпе Картайқызы

Телефон: 7 (71030)5-22-76

E-mail:olke.zhanaarka1943@mail.ru

Бөлiм тарихы

Ақпараттық – библиографиялық бөлім

1976 жылы орталықтандырылған кітапханалар жүйесіне көшкен уақытта кітапханада әдістемелік – библиографиялық бөлімде алғаш библиограф болып Түсіпбекова Жібек Байдайқызы қызмет атқарды, білікті,білімді библиограф ірі тарихи күндерге әдебиеттер тізімі,ауызша және жазбаша анықтамалар, оқу жоспары, кітап көрмелерін ұйымдастырды. Кейін Қарағанды қаласында жасөспірімдер кітапханасында кітапханашы болып зейнеткерлікке шықты. 1980 жылдан Н.Г.Трофимцева, А.Әбішев, Рая Аленова, Г.Исаберлина, Б.Жапиналар жұмыс атқарды.

Энциклопедиялар, сөздіктер, анықтамалар, библиографиялық құралдар осы бөлімде жинақтала бастады. Газет – журнал мақалаларының жалпы картотекасы, өлкетану картотекасы, тақырыптық және жұмыс бабындағы картотекалар бойынша анықтамалық ақпарат ұйымдастырылды. Библиографиялық ұсыныстар жүйесін қалыптастыру, халық шаруашылығы мамандарына ақпараттық қызмет көрсету жұмыстары басталды.

Жаңаарқа орталықтандырылған кітапханалар жүйесі құрылымына 2012 жылы енгізілген анықтамалық – библиографиялық бөлім өз жұмысын тыңнан бастады. Анықтамалық – библиографиялық бөлімнің ашылуы бұл жұмысты жаңадан жетілдіруге мүмкіндік берді.

Бөлімнің алдында анықтамалық – библиографиялық ақпаратты ұйымдастыру туралы үлкен міндет жүктелді, оның ішінде өлкетану туралы оқырмандарға анықтамалық және ақпараттық қызмет көрсетудің ағымдағы жүйесін құру міндеттелді. Барлық қоғамдық саяси науқандарға, ірі тарихи даталарға, Елбасы Н.Ә.Назарбаевтың Қазақстан халқына жолдайтын жыл сайынғы жолдауларына әдебиеттер тізімі жасалды, ауызша және жазбаша анықтамалар, жоспарлы ұсыныс құралдар, газет – журналдағы мақалалар картотекасын ұйымдастыру стратегиялық жоспар 2010 – 2015 жылдарға жүргізуде біраз жұмыстар атқарылды. Мамандармен жұмысты бағыттап отыратын саяси ағарту, әкімшілік «Нұр Отан» ХДП ұйымдарымен тоқсан сайын үгітшілер «Ақпарат күндері» және «Жеке және топтық ақпарат», «Мамандар күні» өткізіліп тұрады. Жаңа құжаттар: катологтар мен картотекалар жүйесі туралы ереже,  ақпараттық – библиографиялық қызмет көрсету ережелері әзірленіп жасалды. Бүгінгі таңда уақыт талабына сай 2008 жылдан бастап электронды каталог және анықтамалық – құқықтық «Заң» ДБ жүйесі пайдаланылады. 2005 жылдан бастап, «Мақалалар» электронды каталогын жасауды әдістемелік база құруды үлкен дайындық жұмыстары жүргізілді. Қазіргі кезеңде ақпараттық – библиографиялық бөлімнің басты міндеті:

Оқырмандардың ақпараттық сұраныстарын сапалы түрде жедел қанағаттандыру;

Ақпаратқа құқықтық ақпаратқа еркін қол жеткізуді қамтамасыз ету;

Ақпараттық қызмет көрсететін кәсіби мамандардың бөлімін үзіліссіз жетілдіру.

Библиографиялық бөлімдерде 120 атаудан астам мерзімді басылымдарға талдау жасап мақалалардың электронды каталогы жасалуда. Пайдаланушылардың ақпараттық мәдениетін қалыптастырады, баспа жұмыстары жүргізілді. Бөлім меңгерушісі ретінде А.К.Оралбаева бұл бағытта біраз ұйымдастырушылық жұмыстар жүргізді. ГОСТ қолдануды «Түйін сөз» (ключевое слово) құру ережесін үйретіп, практикалық сабақтар өткізуде. Толық базалық деректер құру мәселесінде және құжаттарды электронды жеткізуде тәжірибесі кітапхана қызметкерлеріне үлгі боларлық дәрежеде.

2000 жылы өлкетану туралы ақпараттық рөлін ескертіп оны жинау және тарату, ақпараттық ресурс жасау жұмыстарының тиімділігін арттыру үшін кітапхана мамандары «Аудандық кітапхана – аймақтық өлкетану орталығы» бағдарламасын жасады. «Өлкетану» тақырыптық бағдарламасы (2004ж. бері) бойынша  құрылды. «Әдеби Жаңаарқа», «Жер – су аттары», «Ауыл тарихы» энциклопедиясы құнды библиографиялық көрсеткіштермен анықтамалар даярланды. Өлкетану туралы  әдістемелік жұмыстар, өлкетану жұмысын одан әрі дамыту туралы семинарлар өткізіліп, практикалық жұмыстар жүргізілді. Өлке ресурстары бойынша папкалар жинақталып, ұсыныс құралдар жасалды. «Ауыл энциклопедиясы» жинақтауда әдіскер З.Т.Қызылбаеваның еңбегі де зор. Кейінгі жылдары «Мәдени мұра» бағдарламасы аясында шығарылған Жаңаарқа ауданы тарихы мен мәдениеті құнды басылымдармен толықты.

Жаңа ақпараттық технологияны енгізумен қатар бөлімде: аудан тарихы, жерлес ақын – жазушылардың шығармашылық өмірі, саяси қуғын – сүргін, өлке экологиясы туралы презентация, әдеби – кештер, дөңгелек үстелдер өткізіледі. Жылдар бойы көптеген ақын – жазушылар, ғалымдар кітапхананың қонақтары болды: Темірғали Көкетаев, Алдан Смайл, Ақселеу Сейдімбек, Аманжол Әлтаев, Ілия Жақанов, Әбіш Кекілбаев, Бекболат Тілеухан, Серік Қирабаев, Кәкімбек Салықов, Еркін Игемберлин, Қайролла Аманов, Сәбит Бексейіт, Ибрахим Ісләмов, Төкен Әлжанов және т.б. Өлке туралы әдебиеттерді әр кітапхана бөлімінен теріп, жинақтап болашақта сирек кездесетін құнды басылымдарды сандық құжаттар қорына кіргізуге, өлкетану жұмысын тереңірек дайындық үйлестіре жүргізу мақсатында бұрынғы директор Гауһар Жарылғапованың еңбегі зор десек болар еді. «Өлкетану» бөлімінде «Автордың қолы қойылған» кітаптар топтамасы жинақталған. Қазақ жазушылары Ә.Кекілбаев, К.Салықов, С.Қирабаев, А.Сейдімбек, В. Могильницки, С.Досмағанбетовтардың, А.Әлтаев, Д.Ізтөлеуов, Ғ.Жарылғапов, Б.Бекбосынов, Б.Әшімов, І.Жарылғапов, А.Несіпбай, С.Бексейіт, С.Нәкенов, Т.Аршабеков, И.Іслімов, Т.Әлжантегі, Ә.Жақанов, Қ.Асанұлы, С.Қирабаев, Б.Тілеухан Н.Дулабековтар сонымен қатар кітапхананың құрматті қонақтары Ұ.Мұқышев, Қ.Аманов, Е.Игенберлин, Қ.Асанов, А.Смайл, Б.Елшібайұлы, Б.Ижанов, көптеген кітаптарға кітапханада қол қойып, сыйға тартылған. Бұл кітаптарды «Автордың қолы қойылған» дәріптеу жұмысы «Ашыққ есік» күні, кітап көрмесі, экскурсияда ұйымдастырылады. Соңғы жылдары Ақпараттық – библиографиялық бөлім құжаттрды цифрлық сақтау бағдарламасымен сақтандырылған қор құруды бастады. «Жаңаарқа кешегі, бүгінгісі» Деректер Базасының толық мәтінді қорын құруға жауапты.