Электронды қызмет көрсету бөлімі

21.02.2016

Электронды қызмет көрсету бөлімі 2010 жылдың қаңтар айында жеке бөлім болып ашылды. Бөлімде 4 қызметкер жұмыс атқарады. Бөлімнің міндеттері: РАБИС бағдарламасының жұмысын қадағалайды. Тематикалық МБ және ЭК – басқарады. Жергілікті желіні басқарады. Кітапхананың веб – сайтын қолдап, дамытады. Компьютерлік техниканы орнатып, техникалық қызмет көрсетеді және жаңартады; Бағдарламалық қамсыздандыруды орнатады және баптайды. Сатып алу мақсатында, техникалық және бағдарламалық өнімдер нарығын игерумен айналысады.  Техника және бағдарламалық қамсыздандыруды сатып алу, кітапханалық үрдістердің автоматтандырылуын әрі қарай дамыту жобаларына перспективалық және жылдық жоспарлар құрады. Кітапхана қызметкерлерін жаңа техникалық және бағдарламалық құрылғылармен жұмыс істеуге үйретеді. Кітапхананың құрылымдық бөлімшелерінің бекітілген технологиялардың орындалуын бақылайды және үйлестіреді. Автоматтандыру және ақпараттандыру сұрақтары бойынша конференциялар, семинарлар және т.с.с. жұмыстарына қатысады. Қолданушыларға РАБИС бағдарламасының электронды мәліметтер базасы, «Заң» мәліметтер базасы, СИН бағдарламасы, ҚР Президенті жанындағы «Адам құқықтары жөніндегі цифрлық кітапхана» бағдарламасы, интернет жүйесі бойынша электрондық ресурс қызметтерін ұйымдастырады және ұсынады. Қолданушыларға ақпаратты – коммуникативтік, ақпаратты – әдістемелік, сервисті қызмет көрсету:

  • Қолданушыларға сервистік қызмет көрсету;
  • Бөлімнің ақпараттық ресурстары негізінде қолданушылардың сұранысын орындау;
  • Аудандық кітапхананың басқа бөлімдерінің қорынан CD – ROM қарау;

      Бөлімнің ақпараттық ресурстар негізінде оқу – әдістемелік құралдар, ұсынушылық тізімдер және де басқа ақпараттық материалдарды дайындайды. Қосымша сервистік қызмет көрсетеді. Әдістемелік және технологиялық құжаттамаларды дайындау, оқыту шараларын өткізеді. Бөлім қызметін дәріптеу бойынша және оның қызметін жарнамалау бойынша шаралар ұйымдастырады және өткізеді. Бөлім қызметін жоспарлап, ақпарат есебін жазумен айналысады. ОКЖ құрылымдық бөлімшелерімен өзара қатынаста болу. Интернет (қызметтердің жаңа түрлері мен формаларын енгізу қажеттілігі, қолданушылардың жергілікті және алыстатылған мәліметтер базасына қол жетерлігін ұйымдастыру, қолданушылардың электронды ресурстарға қол жеткізуін ұлғайту, кітапханашылар мен қолданушылардың ақпараттық сауаттылығын арттыру, мемлекеттік және де басқа ақпараттық ресурстарға тең құқылы қол жеткізуді қамтамасыз ету).

 Қызметкерлері:

dsc06085Аманбаева Гүлжан Байзаққызы 1988 жылы Жаңаарқа ауданында туған. 2005-2008 жылдары Қарағанды политехникалық колледжінде техник-бағдарламашы мамандығы бойынша, 2009-2012 жылдары Қазтұтынуодағы Қарағанды экономикалық университетін ақпараттық жүйелер мамандығы бойынша оқып бітірген. Еңбек жолын 2008 жылы аудандық кітапханада кітапханашы болудан бастады. 2008-2009 жылдары кітап толықтыру бөлімінде кітапханашы-электронды каталог маманы болды. 2010 жылы электронды қызмет көрсету бөлімінің меңгеруші қызметіне  тағайындалды. Өндірістік қажеттілікке орай 2011 жылы кітап толықтыру бөлімінің меңгерушісі қызметін уақытша атқарды. 2012 жылы электронды қызмет көрсету бөлімінің меңгерушілігі қызметіне қайта ауыстырылды.

Ағымова Ақнұр Мейірманқызы, 1988 жылы Жаңаарқа ауданында туған. 2005-2008 жылдары Қарағанды Мемлекеттік Техникалық Университеті жанындағы Ақпараттық технологиялар және бизнес колледжінде техник-бағдарламашы мамандығы бойынша,  2008-2011 жылдары Қазтұтынуодағы Қарағанды экономикалық университетін ақпараттық жүйелер мамандығы бойынша оқып бітірген. Еңбек жолын 2010-2013 жылдары аралығында Қарағанды қаласындағы “Қазпошта” АҚ мекемесінде байланыс операторы, 2015 жылы Қарағанды қаласындағы №1 емханада оператор-бағдарламашы, 2015-2016 жылдары “Электржабдықтау” ЖШС кассир, 2016-2017 жылдары “Сәкен және компания” ЖШС кадр бөлімінің инспекторы болып жұмыс істеді. 2017 жылдың желтоқсан айынан бастап Жаңаарқа аудандық орталықтандырылған кітапханалар жүйесінің  Электронды қызмет көрсету бөлімінде бағдарламашы қызметін атқаруда.

Садуов Нұржан Сержанұлы, 1990 жылы Жаңаарқа ауданында туған. 2008-2011 жылдары Қарағанды қаласындағы Көпсалалы Гуманитарлық колледжінде Автоматтандырылған жүйелік басқару мамандығы бойынша, 2011-2014 жылдары Болашақ Университетінде Ақпараттық жүйелер мамандығы бойынша оқып бітірген. 2015 жылдан бастап Жаңаарқа аудандық орталықтандырылған кітапханалар жүйесінде инженер-системотехник болып қызмет атқаруда.