«Білім биржасы» атты зияткерлік ойыны өткізілді

14.02.2020

Б.Өтешов атындағы үлгілі балалар кітапханасының ұйымдастыруымен “ABAKUS AZIA” ментальды арифметика және жылдам оқу интеллектуалды орталығының оқушыларымен «Білім биржасы» атты зияткерлік ойыны өткізілді. Шараның мақсаты: оқушылардың білімге деген құштарлығын арттыру, қызықтыру арқылы білімін тереңдету, зияткерлік қабілетін дамыту.

Білімге құштар жас өрендер “Болашақ” және “Бәйтерек” топтарына бөлініп, ойын шартымен танысты. Зияткерлік ойныны төрт турдан тұрды: яғни, І. Білім аукционы, ІІ. Эрудиттер сайысы, ІІІ. Таңдау-табыс, ІV. Сыйлықтар сайысы. Балалар өз ойларын ашық жеткізіп, білімдерін ортаға салды. Екі топта тең дәрежеде сайыс межесіне жетті. Шара өте қызықты, әрі танымды өтті.