Жақыпов Әліш

16.02.2021

Жақыпов Әліш 1906 жылы 7-ші ауылда туған. Соғыстан жараланып келген соң Ынталы колхозында ферма меңгерушісі, совхоз кезінде әртүрлі жұмыс атқарып зейнеткерлікке шығып қайтысболды.

Жақин Төлеукен

16.02.2021

Жақин Төлеукен 1908 жылы 7-ші ауылда туған. Қараағаш колхозының, байырғы мүшесі. Еңбек Майданнан оралғаннан кейін Ынталы колхозында, Рассвет совхозында сиыр баққан. Зейнеткерлікке шығып 1982 жылы қайтыс болған.

Елубаев Айдархан

15.02.2021

Елубаев Айдархан 1922 жылы 6-ші ауылда туған.1938 жылы ауданында тұңғыш баспахана ашылғанда газет басушы болып еңбек жолын бастаған. Соғыстан аман оралған соң, Бірлік колхозында еңбек еткен, Ақтау совхозында алдынғы  қатарлы шопан болып жүріп зейнеткерлікке шығып 1985 жылы қайтыс болған.

Дүйсенов Жолкен

15.02.2021

Дүйсенов Жолкен 1925 жылы 4-ші ауылда туған. Отан соғысында аман оралғаннан кейін Үлгілі колхозында есепші,Ленин колхозында порторг, аудандық атқару комитетінің жоспарлау жөніндегі бөлім менгерушісі, Маркс колхозының басқармасы, Жеңіс совхозының партком хатшысы, ұзақ уақыт Ақтау совхозының директоры, одан ДЭУ -2 нің директоры болып жүріп зейнеткерлікке шыққан. Бірнеше орден, медальдарымен марапатталған. 

Дүйсенбеков Әбдәули

15.02.2021

Дүйсенбеков Әбдәули 1912 жылы 6-ші ауылда туған. Бірлік колхозының байырғы мүшесі. Аудан бойынша тұңғыш трактор рөліне отырған 32 жігіттің бірі. Соғысқа қатысып мүгедек болып оралған. Келген соң Бірлік колхозында ферме менгерушісі, МТС -та тракторист, С.Сейфуллин совхозында жұмыскер болған. Бірнеше орден медальдардың иегері. 1994 жылы қайтыс болған.

Дүйсекеев Сәрсекей

15.02.2021

Дүйсекеев Сәрсекей 1908 жылы туған. Көккемер-Ынтымақ мойынсерігі одан Ынтымақ колхозының алғашқы ұйымдастырушысы, бастығы болып жүріп соғысқа аттанып,1943 жылы жараланып келген. Ынтымақ колхозына келісімен басқарма болған. С.Сейфуллин совхозында жұмыскер болып жүріп зейнеткерлікке шығып, жасы жетіп дүниеден өткен.